Familja

Samfylgjandi familja, herundir hjúnafelagi, samlivandi og / ella børn kunnu søkja um at fáa uppihaldsloyvi á sama umsóknarskjali sum hjá høvuðsumsøkjaranum ella søkt kann verða eftirfylgjandi á sjálvstøðugum umsóknarskjali umsóknarskjal FO2 (english version FO2).

Hesi skjøl skulu leggjast við umsóknini:

1) Avrit av vígslubrævi hjá hjúnafelaga og avrit av dóps- ella navnabrævi hjá børnum.
2) Í sambandi við umsókn frá samlivandi skal dokumentatión fyri samlívinum á felags bústaði í føstum samlívi yvir eitt longri tíðarskeið leggjast við umsóknini, t.d. leigusáttmáli, brøv móttikin á sama bústaði, váttan frá útleigarum og arbeiðsgevarum v.m.
3) Avrit av passinum hjá umsøkjaranum.

Framleingjan
Familjulimir kunnu søkja um at fáa uppihaldsloyvið framlongt við sama umsóknarskjali FO2.

Umsókn frá familju

Umsókn frá samfylgjandi familju um uppihaldsloyvi skal sendast til Styrelsen for International Rekruttering og Integration (stytt SIRI), sum avgreiðir hesar umsóknir. Adressa teirra er:

Styrelsen for International Rekruttering og Integration
Landbrug og Erhverv

Carl Jacobsens Vej 39
DK-2500 Valby

Tel.: +45 72142003

Skriva til SIRI:
Vel teigin viðvíkjandi Føroyum á  https://www.nyidanmark.dk/da/Kontakt-os/Kontakt-SIRI/Kontaktformular.