Í samband við søguliga lága arbeiðsloysið í Føroyum gjørdu landsstýrismaðurin í umhvørvis- og vinnumálum og danski ráðharrin í útlendinga- og integratiónsmálum tann 4. november 2021 avtalu um eina Fast Track-skipan fyri útlendska arbeiðsmegi. Skipanin styttir viðgerðartíðina og gevur øllum vinnugeirum í Føroyum lættari atgongd at fáa arbeiðsmegi úr triðjalondum, t.e. úr londum uttan fyri ES og Norðanlondum. Skipanin kom í gildi tann 18. november 2021 og er í gildi, so leingi arbeiðsloysið er undir 3,5%.