Treytir til góðkenning av arbeiðsgevara (Fast Track)

Arbeiðsgevari skal brúka umsóknarblað FO/FT.

Fyri at fáa góðkenning, skal arbeiðsgevari vera:

  • skrásettur í Føroyum
  • fevndur av einum galdandi kollektivum sáttmála um lønar og setanartreytir (t.d. vera limur í einum arbeiðsgevarafelag)
  • skrásettur hjá TAKS sum ávísingarskyldugur eftir føroysku skáttalóggávuni

Afturat hesum skal arbeiðsgevarin brúka setanarprógv, ið lúka treytir í lóg um setanarprógv, brúka lønarseðlar, útgjalda løn umvegis føroyskum skattaskipanina á føroyska lønarkonto, og arbeiðsgevarin skal kunna síni starvsfólk um rættindi teirra sambært galdandi sáttmálum.

Grundleggjandi treytirnar fyri arbeiðs- og uppihaldsloyvi eru hesar:

  • Talan skal vera um fulltíðarstarv (vanliga 40 tímar),
  • at lønar- og setanartreytir eru vanligar eftir føroyskum viðurskiftum og í minsta lagi at meta sum ájavnar við galdandi sáttmálar á føroyska arbeiðsmarknaðinum, og
  • setanarprógvið skal lúka treytirnar í løgtingslóg um setanarprógv

Í sambandi við møgulig eftirlit skal ein arbeiðsgevari kunna vísa á, at treytir verða fylgdar.