Familja

Samfylgjandi familja, herundir hjúnafelagi, samlivandi og / ella børn kunnu søkja um at fáa uppihaldsloyvi á sjálvstøðugum umsóknarskjali FO2 (english version FO2).

Hesi skjøl skulu leggjast við umsóknini:

1) Avrit av vígslubrævi hjá hjúnafelagi og avrit av dóps- ella navnabrævi hjá børnum.
2) Í sambandi við umsókn frá samlivandi skal dokumentatión fyri samlívinum á felags bústaði í føstum samlívi yvir eitt longri tíðarskeið leggjast við umsóknini, t.d. leigusáttmáli, brøv móttikin á sama bústaði, váttan frá útleigarum og arbeiðsgevarum v.m.
3) Avrit av passinum hjá umsøkjaranum.

Framleingjan
Familjulimir kunnu søkja um at fáa uppihaldsloyvið framlongt við sama umsóknarskjali FO2.

Umsókn frá familju

Styrelsen for international rekruttering og Integration (SIRI) og løgreglan í Føroyum veita vegleiðing í sambandi við umsókn.

Umsókn frá samfylgjandi familju um uppihaldsloyvi skal sendast til:

Styrelsen for International Rekruttering og Integration
Postboks 304
2500 Valby
Danmark

Tel.: +45 35 30 88 88