Fyrstu ferð søkt verður

Umsókn um familjusameining millum hjún (umsóknarskjal FO/FA1, english version FO/FA1), og umsókn frá útlendskum børnum um familjusameining (umsóknarskjal FO/FA2, english version FO/FA2), kunnu latast inn á løgreglustøðunum í Føroyum ella til Udlændingestyrelsen.

Útlendingar sum søkja úr heimlandinum ella úr øðrum landi, har útlendingurin hevur havt fast uppihald í seinastu 3 mðr., kunnu søkja gjøgnum donsku sendistovuna / konsulátið í viðkomandi landi.

Ein útlendingur við loyvi til familjusameining kann búseta seg í Føroyum og arbeiða í landinum, uttan at søkja um arbeiðsloyvi og uttan at verða bundin at ávísum arbeiðsgevara.

Tað ber ikki til at fáa loyvi til familjusameining við stuttum skotbrái. Er umsøkjarin í Føroyum, tá hann søkir um loyvið, hevur hann ikki rætt til at arbeiða meðan umsóknin verður viðgjørd. Tann, ið viðkomandi skal familjusameinast við hevur skyldu til at uppihalda umsøkjaranum hesa tíðina.