Um Útlendingastovuna

Útlendingastovan varð stovnað í juli 2008 og er skipað undir Løgmálaráðnum.

Høvuðsuppgávan hjá Útlendingastovuni er:

- at útvega upplýsingar úr Føroyum og ummæla umsóknir frá útlendingum um arbeiðs- og uppihaldsloyvi í Føroyum

- at útvega upplýsingar úr Føroyum í sambandi við málsviðgerðir hjá donskum myndugleikum í málum um familjusameiningar

- at vegleiða um viðurskifti hjá útlendingum í Føroyum, serliga í umsóknar- og loyvishøpi

- at vísa útlendingum til rætta myndugleikan, tá ið teir spyrja um myndugleikaøki, sum ikki liggja hjá Útlendingastovuni

Avgerðir um at veita útlendingum arbeiðs- og uppihaldsloyvi í Føroyum verða tiknar av Udlændingestyrelsen og av Styrelsen for International Rekruttering og Integration.

Integratión

Integratiónsmál er málsøki hjá Løgmálaráðnum. Í novembur 2015 var integratiónssamskipari settur í starv á Útlendingastovuni. Útlendingastovan samskipar og virkar fyri integratiónsátøkum, sum hava við undirvísing í føroyskum máli, arbeiðsmarknað og vælferðartænastur, umframt hetta, so samstarvar stovnurin við aðrar stovnar og myndugleikar kring landið.

• Ráðgeving og samstarv við almennar stovnar, felagsskapir og onnur innan integratión

• Samstarv og samskipan við kommunurnar

• Fáa til vega tilfar og upplýsingar til nýkomin til Føroya

Síðan 1. januar 2014 hevur Útlendingastovan havt skrivstovu á Skálatrøð.

Adressa:
Útlendingastovan
Skálatrøð 20
Postrúm 264
FO-110 Tórshavn
Tel.: 357979
Teldupostur: info@utlendingastovan.fo

Opið er hesar tíðir:

Telefon- og avgreiðslutíðir:
mán. - hós. 9:00 - 12:00 og 13:00 - 15:00
frí. 10:00 - 12:00 og 13:00 - 15.00